地表最热卖电动车Nissan Leaf

导读 可能係最先进电动车Nissan Leaf 「电动车」一个全世界车迷都正在谈论嘅话题。你有冇试过电动车

可能係最先进电动车Nissan Leaf

「电动车」

一个全世界车迷都正在谈论嘅话题。

你有冇试过电动车?又或你已经加入成为一份子


对电动车一知半解嘅人,会以为Tesla就代表晒全地球嘅电动车,但係电动车嘅市场扩展得比Marvel宇宙更快,唔使10年已经喺遍地开花。仲记唔记得电动车嘅开荒牛—Nissan Leaf?2010年发表,2011年即夺得「European Car of the year」、「World Car of the Year」及「Car of the Year Japan」等大奖,风头可谓一时无俩。9年过去,虽然Leaf喺唔算普及,但佢喺国际市场发光发热,截至2019年3月,已经喺全球卖出超过400,000部,係电动车销量王。

几劲都好,初代Leaf始终已经旧,面对唔同对手挑机,第二代即时接捧,Nissan代理亦火速引入!新款Leaf唔单只外形更吸引,连用家最关心嘅舒适性、充电时间及续航力都有显着改善,更重要係受惠于「一换一」计划下可以免首次登记税,入门版平到30万有找,吸引!


唔单只车顶用上深蓝色,连车尾扰流装饰条都衬返色。


专「叶」电动车

早几年电动车刚刚兴起时,就算大车厂都只会以现有汽油版嘅车款改造而成,好似Nissan咁一嚟就搞部全新款式、拥有专属车身嘅Leaf,真係几罕见。「Leaf」呢个名从此成为Nissan嘅电动车代表。当对手嘅电动车仍停留喺初代或facelift阶段,眼前嘅Leaf已发展到第二代,即係代表所有设计都会引用厂方最新、最先进嘅嘢,领先同级对手。新款Leaf沿用五门揭背设计,但车身线条比上代锐利,车头用咗Nissan近年常用嘅「V-Motion」设计,加上测试车係顶级LUX版本,可以选用two tone车身色,主调係白色,车身上半则用深蓝,非常醒神!LUX版本唔单只独有two tone车身色,更用LED头灯及LED日行灯,好用易区分。


只有LUX版本先可以配two tone车身色,而蓝色车顶更只可配喺白色车身上。


215/50R17轮胎都用上节能款式,令Leaf有更高能源效益。


实用又舒适

Nissan设计Leaf嘅时候,冇打算将佢定性为高级房车,反而一切以实用行先,就算係LUX版本嘅车厢,都只係比普通版多咗皮座、电子泊车手掣及一系列电子安全系统(IAVM环视显像系统、MOD动态探测系统及DAA疲劳驾驶提示),基本嘅车厢乘坐性完全一样,后座空间充裕而且座垫够厚,似坐落大梳化,而最值得一讚係车尾箱比想像中实用,后座背可以6:4摺叠之余,载物空间更达435L,好使好用。

中控台设计比较普通,未用上顶级大mon.及全按钮式冷气系统,同目前最流行嘅大mon.中控台比较,实在唔够吸引力,好彩錶板仲有啲心思,右边用指针速度錶、左边就用彩mon.,可以显示大量行车数据,包括剩余电量、充电时间、输出功率及行车哩数等等。


真皮前座嘅边沿都加上防跣物料,而且表面有好多透气孔。


后座坐垫够晒厚,有唔错舒适性,长途车都唔怕。


尾箱有435L容量,连后座背都可以6:4分割摺叠,可用性更高。


其实新一代Leaf嘅驾驶舱比上代平实,少咗科幻味,更似Nissan其他车系设计。


錶板保留指针式速度錶,左边先係多用途显示屏。


新增e-Pedal功能

由上代开始,Leaf已经用一个圆形波棍掣,新一代都承袭呢个特点,顶部按钮係P波,而正常D波之外仲有个B(Brake)波,就好似hybrid车嘅拖波掣咁。圆形波棍上方分别有「ECO」及「e-Pedal」两个模式,「ECO」唔使多介绍,就係电脑控制令加速力下调,反应大概係正常嘅七成,反而「e-Pedal」模式可以话係今次新款嘅重点。厂方话「e-Pedal」系统开启后,可将油门同迫力合二为一,踩油门时加速前进,只要一鬆开油门就有轻柔制动效果,直至剎停部车。你可能会话:「唓!咪好似以前啲电动车咁,又係一缩油就拖慢部车,有乜咁特别?」笔者试过「e-Pedal」系统一段时间,发觉加速力会比正情况下慢少少,而缩油时嘅拖慢感觉就好似平时揸车轻轻拖住个迫力咁,力度完全唔突兀,甚至可以缓缓收慢车速至完全停车,不论上斜或落斜都可以完全停定,而且当缩开油门一剎那,车尾剎车灯都会亮着,有警示后方车辆嘅作用,同以前嘅电动车唔同。笔者认为「e-Pedal」用作悠闲状态下使用就最好,剎车力度不足以应急,所以驾驶者仍然要有準备急剎车时需要踩迫力。


「e-Pedal」系统係今代Leaf嘅重点功能,可以将油门与迫力合二为一。


增加续航力

上一代Leaf可以距今9年,咁多年来动力系统当然有改进,嚟到新一代换上新摩打,马力输出提升至150ps,连电池都换成40kWh容量,续航力由上代约160km大幅增至311km!用家可以更放心走长途!充电时间方面,由于电池容量大咗,所以充电时间都比以往长少少,以家用220V 10A充电,需时18小时由0-100%,而用CHAdeMO制式快充,就可以40分钟完成0-80%。其实以Leaf现时嘅性能表现同续航力,已经适合更多士使用,但如果想用得开心又放心,最好都係屋企可以充电,唔好依赖公众充电系统。

由于Leaf将所有电池平均平放喺车底,连波箱都非常细小,全车最高重心嘅机械部件就係车头内嘅摩打,所以Leaf嘅转弯重心颇低,车头指向性準而且快,需未至跑车咁嘅级数,但配合埋摩打嘅强横低转加速力,只要有四条靓啲嘅胎,Leaf车主就可以喺好多弯路上搵到乐趣。


新一代摩打已有150ps马力输出,扭力更达至320Nm,加速表现比同上代有好大差别。


全车嘅电池都平放喺车厢底部,令车身重心更低。


充电位置设于车头,可对应三种不同速度充电。


V-Motion车头係Nissan近年嘅主要设计元素。


Nissan Leaf Spec.

马达类型:同步三相交流

最大马力:150ps

最大扭力:320Nm

电池容量:40kWh

续航距离:311km(NEDC模式)

充电时间: 标準18小时(220V 10A)、

中速8小时(220V 32A)、

快速40分钟(CHAdeMO)80%电量

传动:单速自动

车身:4,480 X 1,790 X 1,540(mm)

轴距:2,700mm

车重:1,520kg

车价:$299,315起(一换一)

查询:合诚汽车(2803 5333)


Text:Chris

郑重声明:本文版权归原作者所有,转载文章仅为传播更多信息之目的,如作者信息标记有误,请第一时间联系我们修改或删除,多谢。

猜你喜欢

最新文章